OIKIAKO BLOGA

ERRONKARI HELDU DIOTE LARRAÑAGATARREK, FAMILIA OSOA ANIMATU DA ETA ZORAGARRI EGIN DUTE. ZENBAGARRENEAN LORTU OTE DUTE?

TXEF TXIKI BERRI BAT ARITU DA SUKALDE LANETAN, ANNETTE. JOGURTAK EGIN DITU FAMILIA OSOARENTZAT, A ZE INBIDIA! BESTEONTZAT ERE PRESTATUKO AL DITU ESKOLARA ITZULTZEN GARENEAN?

JURITZ ARKEOLOGO LANETAN ARITU DA. OIKIA INGURUAN DINOSAURO AZTARNAK AURKITU DITU ETA AZTERTZEN ARITU DA. HEMEN DITUZUE TOPATU DITUEN ARRASTOAK!

UXUE GOGOTSU ARI DA ESKOLAKO LANAK EGITEN. TERRAZAN, EGUZKITAN HASI DA GOXO-GOXO, BAINA BAT BATEKO EURIAREKIN, BARRURA SARTU BEHAR IZAN DU.

LIBE ESPERIMENTUAK EGITEN "PAPERA URETAN SARTUZ GERO, NOLA ATERAKO DA BUSTITA ALA LEHORRA?" GALDERA HONI ERANTZUTEKO ETA BERAIEN BEGI ETA ESKUEZ FROGATZEKO ESKATU DIEGU LAU ETA BOST URTEKOEI. JARRAIBIDE BATZUK JARRAITUTA, INORK ESPERO EZ BAZUEN ERE, URETAN SARTU ARREN PAPERA LEHORRA ATERATZEA POSIBLE DELA FROGATU DUTE. HONA HEMEN LIBEREN FROGA, HARRIGARRIA BENETAN! ZAHARRENENTZAKO AZALPEN ZIENTIFIKOA: papera aireak inguratzen du edalontzian, eta uretan sartzean edalontzian harrapatuta geratu da. Harrapatuta geratu den aire honek urari bultza egiten dio eta paperera iristea eragozten dio.

Mirenek proposatutako erronkan parte hartu dut!!! Ea zuek, animatu!

AZKENEAN, IRITSI DA UMEAK KALERA ATERA AHAL IZATEKO EGUNA!  SASOIAN JARRAITZEKO, ANNETTE, DENIX ETA XEBER BIZIKLETAN IBILTZERA JOAN DIRA.  TOURMALETA IGOTZEN ARIKO OTE DIRA?

KORONABIRUSAREN AURRETIK, ERRONKA KUTXA JARRI GENUEN MARTXAN. SARIAK EZIN DITUGU EGOERA HONETAN BANATU, BAINA NAHI DUENAK ERRONKAK EGITEN JARRAI DEZAKE. EA HURRENGO ERRONKA EGITEA LORTZEN DUZUEN!!!

UXUE SORGINTXOA EDABE MAJIKOAK, UKENDUAK ETA SENDAGAIAK SORTZEN ARITU DA BERE LAGUNTZAILE LEIAL ANUKEKIN. AURKITU AL DUTE BIRUSAREN AURKAKO TRATAMENDURIK?

SAN MARKOS EGUNA OSPATZEN DA OARSOALDEAN BIHAR. TRADIZIOZ, AMANDREAK OPILA OPARITZEN DIO BESOETAKOARI. ITXURA EDERRA DU MIRENEK EGINDAKO OPILA HONEK!

ARRETA ETA PAZIENTZIA HANDIA BEHAR DIRA HORRELAKO PUZZLEA EGITEKO. PRIMERAN OSATU DU ITXASOK 200 PIEZATAKO IRUDI HAU!

ETXEKO ATARIAN IBILI DA HIRUKOTE HAU JO TA FUEGO BARATZEKO LANETAN, ESKALATZEN, ZUHAITZETIK TXIRIBUELTAKA...

INDIOEK KONDE MENPEAN HARTU DUTELA IRITSI ZAIGU.  SUA PIZTU ETA DANTZAN ARITU DIRA INGURUAN. IRUDIAK IKUSI ONDOREN, ZALANTZAK SORTU DIRA: INDIOAK EDO SORGINEN AKELARREA DA GERTATUTAKOA?

GAUR, APIRILAK 23, LIBURUAREN NAZIOARTEKO EGUNA DA. HORI OSPATZEKO, IRATIK BERARI ASKO GUSTATZEN ZAION IPUIN BAT KONTATUKO DIGU. https://www.youtube.com/watch?v=r4QHMPREKEw&t=9s (ipuina ikusteko egin klik lotura honetan) NAHI IZANEZ GERO, ZUEK ERE BERDINA EGIN DEZAKEZUE ZUEN ETXEETAN. ZUEI ASKO GUSTATZEN ZAIZUEN IPUIN EDO LIBURUREN BATEN PASARTE BAT AUKERATU, ONDO ENTSEATU ETA ZUEN FAMILIAKOEI KONTATU. ZIUR PRIMERAN EGINGO DUZUELA, ESKOLAN BEHIN BAINO GEHIAGOTAN ERAKUTSI BAITIGUZUE IPUIN KONTALARI ETA IRAKURLE APARTAK ZARETELA! GAUR ETA URTEAREN GAINONTZEKO EGUNETAN GOZATU DEZAGUN LIBURUEZ ETA BERTAN KONTATZEN DIREN ISTORIO ZIRRARAGARRIEZ!

UXUEREN JARDUERA ARTISTIKOAK! SORGINAK IRITSI DIRA ZUMAIARA! TXINTXOAK ALA GAIZTOAK IZANGO OTE DIRA? PANPINEK ERE EUREN ETXEAN EGON BEHAR DUTE KONFINATUTA, GEUK BEZALA, BAINA UXUEREKIN PASEATZERA ATERA DIRELA DIRUDI.

INHAR SUKALDARI GAUR INHAR SUKALDARI BIHURTU DA, ETA BERE AMONAREN LAGUNTZAZ, ERROSKILA GOXO-GOXOAK PRESTATU DITU. AI! GUK ERE ZE GUSTORA JANGO GENITUZKEN ERROSKILA HORIEK! ON EGIN!

NOA ETA LIBE PRIMERAN ARI DIRA PASATZEN ETXEAN IGAROTZEN ARI DIREN EGUN HAUETAN. BERAIEN ETXEAN ANIMALIA PILA BAT DITUZTE ETA AITONAREN LAGUNTZAZ ZAINDU ETA JATEN EMATEN DIETE. DUELA HIRU EGUN AHATEKUME TXIKI BATZUK ERE JAIO ZITZAIZKIEN. IKUSI ZEIN POLITAK DIREN! ESKOLATIK BIDALITAKO ESKULAN ETA ESPERIMENTUAK ERE GUSTORA EGITEN DITUZTE. ARGAZKI HAUETAN ESATERAKO, GURE BEGIEK KOLOREAK NOLA IKUSTEN DITUZTEN FROGATZEKO ESPERIMENTUTXO BAT PRESTATZEN ARI DIRA. SUKALDATZEN ERE PRIMERAN MOLDATZEN DIRA BI AHIZPAK. ARGAZKI HAUETAN, ESKOLATIK BIDALITAKO BROWNIE-AREN ERREZETA EGITEN ARI DIRA. GUZTI HAU PASATZEN DENEAN BERRIZ EGITEKO ETA ESKOALARA EKARTZEKO ESKATU BEHARKO DIEGU! HAINBESTE LAN EGIN ETA GERO, YOGA PIXKA BAT EGITEN DUTE, BERAIEN BURUA ERLAXATU ETA LASAITZEKO.

IZAR ETA LANTZ...LANTZ ETA IZAR... ONDO BAINO HOBETO PASA DITUZTE OPORRAK BI HAUEK!      OSTATU BATEAN PASA DUTE GAUA. BERTAN GOSALDU, BAZKALDU ETA PIZZAK EGIN DITUZTE. BRIKOLAJEA LANETAN ERE ARITU DIRA.   ETA HALAKO BATEAN, LANTZ HARTZ BIHURTU DA!!! ITZULIKO AL DA BERE ONERA GURE BETIKO LANTZ? EDO BETIRAKO HARTZ ITXURA IZANGO AL DU?